Sámemusea Siida lea E4-geaidnoguoras Anára márkanis, Juvdujoga šalddi davábealde.

Sámemusea Siida lea eamiálbmoga musea ja sápmelaččat leat Eurohpá uniovnna guovllu áidna eamiálbmot. Sámemusea lea Davviriikkaid vuosttaš sámemusea ja dan vuođđudedje sápmelaččat ieža. Samii Litto – Saamelaisten yhdistys ry. -searvi, doaimmajođiheaddjin Johan Nuorgam, vuođđudii jagis 1959 Anára Sámemusea, mii doaimmai gitta jahkái 1998 olgomusean geassebajis.

Jagis 1986 vuođđuduvvui Sámemuseavuođđudus, man ulbmilin lei dahkat ámmátlažžan ja nannet sámemuseadoaimma. Sámemuseavuođđudusa mihttomearrin lea sápmelaččaid álbmotlaš kultuvrra doarjun ja ovddideapmi. Vuođđudusa stivren museadoaimma ulbmilin ja bajásdoallat ja nannet sápmelaččaid dieđu sin iežaset kultuvrras, historjjás ja birrasis ja doarjut sápmelaš identitehta ja kultuvrralaš iešdovddu. Sámekultuvrra vurkemis Suomas vástidii gitta jahkái 1998 Suoma álbmotmusea, man maŋŋá vurkenovddasvástádus sirdašuvai Sámemusea Siidii.