Haku

Sääʹm-museo Siida

Sääʹm-museo Siida lij Lääʹddjânnam säʹmmlai meersaž museo da väʹlddkååddlaž spesiaalmuseo. Sääʹm-museo ruâkk norldõõǥǥeez sizz Lääʹddjânnam säʹmmlai aunnsallaš da aunnsateʹmes kulttuur da čuäʹjtââll tõn čuäʹjtõõzzines da õõlmtõõzzineez. Sääʹm-museo kõskksaž täävtõssân lij tueʹrjjeed sääʹm identiteeʹtt da kulttuurlaž jiõččtååbd.

Sääʹm-museo Finna

Tääiʹben vuäitak ǩiõččâd Sääʹm-museo norldõõǥǥi kaallšõmâs jällmõõžžid, kaauʹnid da snimldõõǥǥid di ooccâd teâđ säʹmmlai kulttuurääʹrb pirr. Kääzzkõõzz raajjmõš lij kõõsk rääʹjest da tok lââʹzztet aunstõõzzid ǩeeʹjjmieʹldd ääiʹj. Tän poodd Sääʹm-museo Finnast čuäʹjtõõlât tåʹlǩ museo käuʹnn-norldõõǥǥid. Puõʹtti ääiʹjest lââʹzztep tiiʹǩ še snimldõõǥǥid snimldõkarkiiʹvest.

Puk Finnast käunnʼjeei Sääʹm-museo Siida snimldõõǥǥ lie luõvâld väʹlddemnalla da ââʹnnemnalla, leša sniimmi nõmm da Sääʹm-museo Siida âlgg peäggted. Snimldõõǥǥ lie lisensõsttum (CC BY 4.0) -liseeʹnsin.

Kääzzkõõzz snimldõõǥǥ jie ââʹnet teäʹddma. Jõs haaʹlääk vuäʹstted teäʹddma ââʹnteei snimldõõǥǥ leʹbe tuʹst lij mii-ne jeeʹres äʹšš kõõččâd, vääʹld õhttvuõđ Sääʹm-museo snimldõkarkiiʹve.

Finnast lij eman vueʹss museo norldõõǥǥin. Kõõjj meeʹst, jõs jiõk kaaun ooccmad: finna [at] samimuseum.fi

www.siida.fi

---

Puki Finnast käunnʼjeei museoi, arkiivi da ǩeʹrjjpõõrti aunstõõzzid kaaunak meerlaž kueʹstlmest addrõõzzâst www.finna.fi